“Bir sənət adamı kimi cəbhə bölgəsinə səfərlərimiz davam edir. Artıq iki dəfə Müdafiə Nazirliyinin təşəbbüsü ilə Gəncə və Daşkəsənə səfər etmişik”

Bunu Moderator.az-a açıqlamasında Əməkdar artist Ehtiram Hüseynov deyib.

“O yerlərimizə qayıtmaq üçün hamımız darıxırıq. İki gün öncə doğum günümü qeyd edəndə bir daha Allahdan arzu etdim ki, kaş Şuşanın, Kəlbəcərin, Laçının işğaldan azad olunması xəbəri gələydi. Bir sənət adamı kimi cəbhə bölgəsinə səfərlərimiz davam edir. Artıq iki dəfə Müdafiə Nazirliyinin təşəbbüsü ilə Gəncə və Daşkəsənə səfər etmişik. Bundan sonra da səfərlərimiz olacaq və bu həftə yenə yola düşməliyik. Doğulduğum Laçın rayonuna ilk dəfə gedəndə o qədər şey arzu etmişəm ki, heç özüm də bilmirəm hansını həyata keçirəcəm. Amma onu bilirəm ki, Allahın köməkliyi ilə hər şey yaxşı olmalıdır”.

Xatırladaq ki, muğam ifaçısı Ehtiram Hüseynov 1980-ci il oktyabrın 18-də Laçının Hacısamlı kəndində anadan olub.