2022-ci ilin fevralından Rusiyanın hərbi təcavüzünün başladığı vaxtdan bəri Ukraynada azı 501 uşaq öldürülüb.

Bu barədə Birləşmiş Millətlər Təşkilatının Uşaq Fondunun (UNICEF) icraçı direktoru Ketrin Rassel tviterdə yazıb.

 “Ukraynanın uşaqları və ailələri üçün daha bir faciəvi dönəm”, - o, sosial şəbəkədə vurğulayıb.

 Bundan əlavə, 1 000-ə yaxın ukraynalı uşağın yaralandığını açıqlayan UNICEF-in rəhbəri əlavə edib ki, müharibə zamanı uşaqların aldıqları görünən və görünməyən yaralar ömür boyu onlarda qala bilər:

 “Hər bir uşaq harada yaşayırsa yaşasın, dinc bir mühitdə böyüməyə layiqdir. Heç bir uşaq zorakılıq və qorxu ilə boğulan uşaqlığı yaşamamalıdır”.