ABŞ senatorları pakistanlı miqrantlar üçün immiqrasiya müdafiəsi istəyir
(20-10-2022, 09:30)
ABŞ senatorları Bayden administrasiyasını builki görünməmiş daşqınlar səbəbindən hazırda ABŞ-da yaşayan Pakistan vətəndaşlarına Müvəqqəti Qorunma Statusu –MQS (Temporary Protected Status -TPS) verməyə çağırır.
“Dawn” xəbər verir ki, MQS-nin həyata keçirilməsi Pakistan vətəndaşlarının ABŞ-da qalmasına imkan verəcək.
Demokratlar Partiyasından olan senatorlar Diane Feinstein və Kirsten Gillibrand keçən ayın sonunda MQS statusu vermək üçün ABŞ Prezidenti Co Baydenə məktubla müraciət edib. O zamandan sonra bir sıra yüksək səviyyəli senatorlar bu addımı dəstəkləyib: “Pakistan ölkənin üzləşdiyi mövcud şərtləri nəzərə alaraq rəsmi olaraq MQS təyinatını tələb edərsə, biz Bayden administrasiyasını davam edən hadisələri izləməyə və Pakistan icmasına kömək etmək üçün ən yaxşı yolunu müzakirəyə davam edərkən belə bir tələbi prioritetləşdirməyə çağırırıq”. Onlar Pakistandakı mövcud şəraitin davam edən ekoloji fəlakəti təmsil etdiyini, MQS-nin təyin edilməsi üçün qanuni əsaslardan biri olduğunu qeyd edir.
Müraciətdə həmçinin deyilir: “Biz sizin administrasiyanızın 30 milyon dollar dəyərində humanitar yardım göstərmək və USAID-in Fəlakətlərə Yardım Qrupunu göndərmək qərarını alqışlasaq da, bu böhranın zərərli təsirlərini yumşaltmaq üçün əlavə tədbirlər görülməlidir. Artıq on minlərlə insan ishal, malyariya, kəskin respirator infeksiyalar, dəri və göz infeksiyaları, qarın tifi və suyun çirklənməsi nəticəsində yaranan digər sağlamlıq əziyyət çəkir”.Senatorlar qeyd edir ki, MQS-nin humanitar vasitə kimi istifadəsi və həyata keçirilməsi ətraf mühit və sağlamlıqla bağlı fövqəladə hallar səbəbindən ölkəsinə qayıda bilməyən insanlara lazımi yardımı təmin edəcək: “Pakistanın MQS üçün layihələndirilməsi administrasiyanızın təbii fəlakətlərə hərtərəfli reaksiyasına da töhfə verəcək. Bu, Pakistan infrastrukturunda yaranan gərginliyi yüngülləşdirəcək və evlərinə qayıda bilməyən və ya evləri dağıdılanlar üçün sığınacaq təmin edəcək”.
