Hərbi şərhçi Denis Popoviç Ukrayna silahlı qüvvələrinin yaxın vaxtlarda Donbass və Krımın Rusiya işğalından azad etməsi şanslarını qiymətləndirib.

Bu barədə o, öz fikirini «FREEDOM» telekanalının efirindən səsləndirib («UNİAN).

«Mən, Donbass və Luqansk vilayətlərinin işğaldan azad edilməsi məsələsindən danışmağa tələsməzdim. Mənim fikrimcə, bu perspektiv bir qədər uzağa gedir» - o, qeyd edib.

Elə həmin fikri o, Krımın azad edilməsi məsələsinə də aid edib.

«Krımın işğaldan azad edlməsi məsələsinə gəlincə, mənim fikrimcə, bu barədə danışmaq bir səbəb üzündən xeyli tezdir: Xerson vilayətinin bir hissəsi Rusiya Federasiyasının nəzarəti altındadır, Zaporojye vilayətinin bir hissəsi kimi. Xüsusilə, Melitopol şəhəri. O, çox mühüm qovşaqdır və gələcəkdə Azovyanının və Krımın azad edilməsi üçün mühüm məntəqədir» - ekspert hesab edir.

Bu zaman Popoviç bu gün Ukrayna silahlı qüvvələrinin ehtiyac hiss etdiyi silahlar barədə də fikir söyləyib. Onun sözlərinə görə, Ukrayna nə qədər çox sayda yüksək dəqiqlikli yaylım atəşli raket sistemləri (HİMARS) və onlar üçün mərmilər alarsa, o qədər yaxşı olar.