Vaxtilə Putinin yaxın çevrəsində təmsil olunan və Ukraynaya qarşı işğalçılıq müharibəsi başlayandan sonra vəzifəsindən istefa verərək, Rusiyanı tərk edən Anatoli Çubaysın böyük qardaşı İqor Çubays Kremli sərt tənqid edib. 

Hazırda Moskvada yaşayan İqor Çubays “Azadlıq Radiosu”na açıqlamasında bu müharibədə Rusiyanın qələbəsinin yolverilməz olduğunu bildirib: “Əgər müharibənin haqsız tərəf olan iştirakçısı qalib gəlsə, sadəcə yer üzündə həyat bitə bilər. Çünki pislik dayana bilmir, o, qabağa gedəcək. Buna yol vermək olmaz. Rusiya bu müharibədə qalib gəlməli deyil. Hazırda bütün yük Ukraynanın, Ukrayna Silahlı Qüvvələrinin üzərindədir. Hər şeyi onlar həll edirlər”.