“Baş verən hadisə bizi ciddi mənada məyus etdi. İstanbula enən kimi, buna şahid oldum”. Apasport.az saytının məlumatına görə, bunu Türkiyə prezidenti Rəcəb Tayyib Ərdoğan deyib.

Türkiyə Kubokunun yarımfinal mərhələsində keçirilən “Fənərbaxça” – “Beşiktaş” qarşılaşmasında yaşanan insidenti dəyərləndirən dəvlət başçısı bunu terror adlandırıb.

Ərdoğan yerli mətbuata açıqlamasında Türkiyə Futbol Federasiyasına da mesaj göndərib: “Əvvəla bu, futbol terrorundan da betərdi. Bir az açıq danışmaq lazımdı. Burda hiylə də var. Bütün hadisələr ancaq künc nöqtələri yaxınlığında oldu. Tribunalardakı terroru kimlərsə təşkil edir, öz-özünə baş vermir. Kuarejma künc zərbəsi yerinə yetirməyə gedir, alışqan atırlar. Üstəlik, Şenol Günəşin başına gələn hadisə… Bu hərəkətlər qəbulolunmazdı. Kaş Tolqa da yanlış müdaxilələr etməyəydi. Şenol Günəşə ediləni bağışlamaq mümkün deyil. Hər iki klubun prezidenti ilə əlaqə saxlayıb, bu barədə danışdım. Hamısı şikayətçidi. Görək, Türkiyə Futbol Federasiyası bundan nə nəticə çıxaracaq, hansı tədbirləri görəcək”.

Qeyd edək ki, qarşılaşmanın 57-ci dəqiqəsində azarkeşlər meydana yaş əşyalar atdığından və “Beşiktaş”ın baş məşqçisi Şenol Günəşə xəsarət yetirdiyindən, görüş təxirə salınmışdı.

шаблоны для dle 11.2