İngilislər koronavirusdan ölüm riskini 80 % azalda bilən preparat tapdı- BİT DƏRMANI...
(9-01-2021, 13:30)
Saç bitləri ilə mübarizə aparmaq üçün istifadə edilən preparat "COVİD-19" xəstələri üçün ölüm riskini 80 %-ə qədər azalda bilər.
Moderator.az xəbər verir ki, “The Daily Mail” nəşri bu barədə Britaniyanın Liverpul Universitetinin tədqiqatçılarına istinadla məlumat yayıb.
Alimlər müəyyən ediblər ki, baş bitlərinə qarşı istifadə olunan “ivermektin” adlı ucuz bir preparat kritik xəstə olan koronavirus xəstələrinin müalicəsi üçün lazım olan vaxtı yarıya endirə bilər.
Liverpul Universitetinin virusoloqu Dr. Endryu Hill dərmanın virusa qarşı "transformasiya" təsiri göstərə biləcəyini iddia edir. 11 tədqiqatın təhlili göstərir ki, dərman koronavirusa yoluxmuş xəstələrdə ölüm ehtimalını və sağalma müddətini azalda bilər.
Bununla belə, digər elm adamlar tədqiqata şübhə ilə yanaşaraq dərmanın potensial bir müalicə olaraq istifadə edilməsindən öncə onun haqqında daha çox məlumatlara ehtiyac olduğunu qeyd ediblər.
Ana səhifəyə qayıt
Oxunub: 173
Xəbəri paylaş
Xəbər lenti
Ən çox baxılanlar
