BMT Dağlıq Qarabağa missiya göndərmək istəyir
(11-12-2020, 14:00)
BMT Dağlıq Qarabağa öz missiyasını göndərmək niyyətini saxlayır və bütün tərəfləri missiyanın regiona ən qısa zamanda gəlməsi üçün əməkdaşlığa çağırır.
“Report” xəbər verir ki, bu barədə BMT baş katibinin rəsmi nümayəndəsi Stefan Dujarrik bildirib.
Qeyd edək ki, bir müddət əvvəl də BMT-də bildiriblər ki, region sakinlərinin ehtiyacına görə beynəlxalq missiya dekabrın əvvəlində Dağlıq Qarabağa gəlməlidir, ancaq bu, hələlik reallaşmayıb.
"Mən deməzdim ki, hansısa maneələr var”, - Dujarrik qeyd edib: “Detallar hələ işlənilir".
"Qeyd etdiyim kimi, biz münaqişə regionlarında bütün zərərçəkənlərin humanitar ehtiyaclarını təmin etməyə hazırıq. BMT-nin Humanitar məsələlər üzrə İdarəsində və başqa departamentlərdəki həmkarlarımız humanitar ehtiyacların müstəqil qiymətləndirilməsi üçün bütün tərəflərlə işləyirlər", - deyə o əlavə edib.
Ana səhifəyə qayıt
Oxunub: 148
Xəbəri paylaş
Xəbər lenti
Ən çox baxılanlar
