Rusiyanın “Levada” mərkəzi əhalinin xəbər mənbələrini araşdıran sorğu keçirib


Sorğu göstərib ki, respondentlərin 71%-i gündəlik xəbərləri əsasən televiziyadan izləyir.

Sorğuya cəlb olunanların 86%-i ölkədə və dünyada baş verənlərdən televiziya proqramları vasitəsilə xəbər tutduğunu bildirib.

27% internet resurslarından, dostlardan və qonşulardan, 14% sosial şəbəkələrdən, 15% radiodan məlumat aldığını deyib.

Respondentlərin 15%-i informasiya mənbəyi kimi qəzet-jurnalı göstərib.

Sorğuya əsasən, əhalinin 29%-i televiziyada xəbərlərə hər gün, 42%-i demək olar gündəlik baxdığını açıqlayıb.

19% həftədə heç olmasa bir dəfə televizoru işə saldığını, 10% isə televiziyaya heç vaxt baxmadığını söyləyib.

Respondentlərin 10%-i internetdən hər gün, 23%-i demək olar hər gün, 19%-i isə həftədə bir dəfə xəbər oxuduğunu bildirib.

Sorğu iştirakçılarının 21%-i radioya gündəlik qulaq asdığını deyib.

1% hər gün, 7% isə demək olar hər gün qəzet oxuduğunu, 22% həftədə azı bir dəfə qəzet-jurnal aldığını bildirib.

Respondentlərin 70%-i isə əlinə ümumiyyətlə kağız nəşr almadığını vurğulayıb.

Sorğu Rusiya əhalisinin 36%-nin sosial şəbəkələrə gündəlik, 14%-nin həftədə bir neçə dəfə, 6%-nin həftədə bir dəfə daxil olduğunu üzə çıxarıb.

Respondentlərin 40%-i sosial şəbəkədən heç vaxt istifadə etmədiyini bildirib.

Sorğu 2018-ci ilin martında Rusiyanın 58 subyektinin 136 yaşayış məntəqəsində 18 yaşdan yuxarı 1600 nəfər arasında aparılıb. (Novator.az)шаблоны для dle 11.2