Rusiya Daxili İşlər Nazirliyinin axtarış bazasında Çelyabinsk vilayətinin keçmiş qubernatoru Boris Dubrovskinin adı yer alıb.
dovrunnabzi.az xəbər verir ki, bu barədə ilk olaraq RIA Novosti məlumat yayıb. Onun Rusiya Cinayət Məcəlləsinin konkret hansı maddəsi ilə axtarıldığı isə hələlik açıqlanmayıb.
Dubrovski bölgəyə 2014–2019-cu illərdə rəhbərlik edib. Vəzifədən getdikdən sonra vəzifə səlahiyyətlərindən sui-istifadə ittihamı ilə cinayət işinə cəlb olunub. Yerli media onun federal büdcəyə 20 milyard rubldan (təxminən 252 milyon ABŞ dolları) çox zərər vurduğunu yazıb.
2025-ci ilin fevralında onun oğlu da yol infrastrukturu ilə bağlı korrupsiya işində saxlanılıb. Beləliklə, Dubrovskı MVD-nin axtarış bazasına düşən ikinci keçmiş Çelyabinsk qubernatorudur — Mixaíl Yureviç 2017-ci ildən bəri həmin siyahıdadır.