“Formalar hələlik Bakı Tikiş Evində satılacaq. “Bravo”lara mal verilməyib, ancaq verilməsi nəzərdə tutulur”. Bunu açıqlamasında BTE-nin satış müdiri Etibar Əzimov deyib.

O, paltarların iki rəngdə olduğunu bildirib: “Bu il geyimlər tünd-göy və boz rəngdə olacaq. Ancaq əksəriyyət tünd-göy rəngə üstünlük verir. Ağ köynək və tünd-göy rəngdə ətək və ya şalvar, bir də mavi rəngdə köynək və boz rəngdə ətək və şalvar istehsal etmişik. BTE-nin mərkəzi dükanında və bir neçə gün sonra “Bravo” marketlər şəbəkəsində satışa çıxarılacaq. Bəzi işbazlar tərkibi yun olmayan formaları yenə bazara çıxarmaq istəyirlər, ancaq bizim məhsullar sadəcə bu iki yerdə satılacaq. BTE-nin bütün malları sertifikata malikdir”.