Azərbaycanda sabit internetin sürəti noyabrda azalıb
(16-12-2020, 15:30)
Bu ilin noyabr ayında Azərbaycanın mobil rabitə operatorlarının şəbəkələrində giriş internet trafikinin sürəti 31,45 Mbit/s-ə təşkil edib.
Bu göstərici oktyabr ayının göstəricisi səviyyəsində qalıb.
Noyabrda ölkənin mobil şəbəkələrində çıxış trafikinin sürəti oktyabr ayının göstəricisi ilə müqayisədə 8,7 artaraq 15,86 Mbit/s olub.
Qeyd edək ki, dünya üzrə giriş və çıxış mobil trafikinin sürəti isə müvafiq olaraq 45,69 Mbit/s və 12,6 Mbit/s təşkil edib.
Noyabr ayının nəticələrinə görə, Azərbaycan bu göstərici üzrə 139 ölkə arasında 1 pillə geriləyərək 66-cı yerdə qərarlaşıb.
Mobil internet sürətinə görə liderlərin ilk üçlüyünə BƏƏ (170,3 Mbit/s), Cənubi Koreya (166,7 Mbit/s) və Qatar (159,66 Mbit/s) daxil olub.
Reytinqə əsasən, noyabr ayında Azərbaycanda stasionar genişzolaqlı internet trafikinin giriş sürəti 23,04 Mbit/s, çıxış sürəti isə 25,59 Mbit/s təşkil edib. Bu göstəricilər oktyabr ayı ilə müqayisədə müvafiq olaraq 17,2 və 13,9% azalıb.
Noyabr ayının nəticələrinə görə, sabit internetin sürəti reytinqində Azərbaycan 176 ölkə arasında 13 pillə geriləyərək 117-ci yerdə qərarlaşıb.
Dünyada ən sürətli sabit interneti olan ilk üç lider ölkəsi Sinqapur (241,1 Mbit/s), Honkonq (222,92 Mbit/s) və Tailand (213,14 Mbit/s) olub. Sabit internetin giriş və çıxış trafikinin qlobal orta sürəti isə müvafiq olaraq 91,96 Mbit/s və 49,44 Mbit/s olub.
Ana səhifəyə qayıt
Oxunub: 181
Xəbəri paylaş
Xəbər lenti
03-09-2025 16:30
03-09-2025 13:00
03-09-2025 12:30
Ən çox baxılanlar
Seçilənlər
