Əziz oxucular!

Redaksiyamıza ünvanlanan şikayət məktublarının araşdırılması məqsədilə yolumuzu Saatlı rayonu Mərkəzi Xəstəxanasından saldıq. Məqsədimiz bu tibb ocağının fəaliyyəti ilə yaxından tanış olub, oxucuları məlumatlandırmaq olsa da, sözügedən tibb müəssisəsinin direktoru Şahpələngova Səidə Əlihüseyn qızı mətbuat nümayəndəsinin gəlişindən xəbər tutan kimi, necə deyərlər, “daşı atıb başını tutdu”. İddia ilə “mən heç kimi tanımıram, heç bir mətbu orqan əməkdaşını qəbul etmək fikrində də deyiləm” deməklə, bütün şübhələri öz üzərinə çəkdi.

Ona görə də, əlimizdə olan bütün şikayət məktublarını ictimailəşdirmədən öncə, toplu halında əlaqədar təşkilatlara rəsmi şəkildə göndərməkdən başqa, çıxış yolumuz qalmadı...

Mövzunu diqqətdə saxlayacağıq.

Bizi izləyin.

Qarşı tərəfin də mövqeyini dərc etməyə hazırıq.

Hədiyyə Eynalova