Sağlamlığın optimallaşdırılması və ömrün uzadılması üzrə “Perform365” xidmətinin yaradıcısı, məşqçi Den Lourens bildirib ki, ümumi sağlamlığı yaxşılaşdırmaq üçün dörd səhər vərdişi formalaşdırmaq lazımdır.
dovrunnabzi.az xəbər verir ki, o, bu barədə "Infobae" nəşrinə danışıb.
O, oyanışdan sonra 10 dəqiqə ərzində aktiv hərəkət etməyi tövsiyə edib. Onun sözlərinə görə, bu, qan dövranını yaxşılaşdırır və yuxudan sonra sinir sistemini aktivləşdirir. Həmçinin səhərlər beş dəqiqə təmiz havada vaxt keçirməyi məsləhət görüb. Mütəxəssis izah edib ki, bu vərdiş sayəsində hormonlar və maddələr mübadiləsi ilə sıx bağlı olan sirkadiyalı ritmləri tənzimləmək, serotonin ifrazını artırmaq və kortizol səviyyəsini sabitləşdirmək mümkündür.
Bundan əlavə, Lourens oyanışdan sonrakı ilk 30 dəqiqə ərzində ən azı 500 millilitr su içməyi tövsiyə edib. Bu, gecə nəfəsalma və tərləmə nəticəsində itirilmiş mayeni bərpa etməyə kömək edir.
Mütəxəssis əlavə edib ki, səhərlər oynaqların fəaliyyətini yaxşılaşdırmaq və azhərəkətli həyat tərzinin yaratdığı hərəkət məhdudiyyətinə qarşı mübarizə aparmaq üçün məşqlər yerinə yetirmək lazımdır. шаблоны для dle 11.2