01.08.2025-ci il tarixdə qarın boşluğuna metal əşya batmış 2004-cü il təvəllüdlü şəxs (kişi cinsli) ağır vəziyyətdə Kliniki Tibbi Mərkəzin Təcili və Təxirəsalınmaz Tibbi Yardım şöbəsinə yerləşdirilib.
Bu barədə Kliniki Tibbi Mərkəzdən dovrunnabzi.az-a məlumat verilib.
Bildirilib ki, aparılan müayinələr zamanı ona qarının ön divarına nüfuz edən, mədəni dəlib keçən, mədəaltı vəzininin, qarın aortasının yaralanması, kəskin qan itirmə və hemorragik şok diaqnozu qoyulub.
Xəstənin dərhal əməliyyat edilməsi planlaşdırılıb.
Ümumi Cərrahiyyə şöbəsinin həkimləri Rauf Mirzəyev və Maya Xudiyeva tərəfindən əməliyyat icra edilib.
Uğurlu əməliyyat nəticəsində onun qarın boşluğunda yığılmış 3 l qan və qan laxtaları xaric edilib, zədələnmiş orqanların bərpası həyata keçirilib.
Daha sonra Şöbədə stasionar müalicələri başladılıb.
Aparılan intensiv müalicələrdən sonra vəziyyəti stabil qiymətləndirilib və evə buraxılıb.шаблоны для dle 11.2