Ege Hospitalda çalışan nevropatoloq İbrahim Qulamov əvvəldən qəbula yazılan xəstələri qəbul etməkdən imtina edib. Bu barədə qəbula yazılanlara heç bir məlumat da verilməyib.

Bu barədə həkimin qəbuluna yazılan Nəriman Zeynal yazıb. O bildirib ki, onlara bu barədə heç həkim özü məlumat da verməyib. Həkimin köməkçisinin məlumatna görə isə İ.Qulamov qrip olub:

“Ege Hospitalda işləyən nevropatoloq İbrahim Qulamovun qəbuluna girməliydik saat 10:00 üçün. Deyəsən, kefi istəməyib deyə işə gəlməyib. Həkim şəxsi nömrə vermir, ancaq köməkçisi ilə əlaqə saxlamaq mümkündür. Bu da yaxşı həkim kimi görünməyin üsuludur indi, deyəsən.

Köməkçi xanım mesaj atır ki, yox, gəlməyin, 2 gün həkim xəstə qəbul etməyəcək. Yuxudan köməkçi oyadıb həkimi. Səsinin yuxulu yerindən guya qrip olduğunu deyir. Səhər tezdən yadına düşüb, deyəsən, həkimin ki, bu qrip olub getməsin işə. Xəstəxananın girişinə də “bazara xoş gəlmisiz” yazsalar tam olacaq”.