Bakı ağır cinayətlər məhkəməsi Həcc ziyarəti zamanı tanış olduğu şəxsdən gömrükdən mal keçirmək adı ilə pul alaraq dələduzluq etməkdə təqsirləndirilən Hüseynağa Şahmarova hökm oxunub və o, 1 il müddətinə şərti azadlıqdan məhrum edilib.
Hökm Bakı Ağır Cinayətlər Məhkəməsinin hakimi Məhəmməd Əkbərovun sədrliyi ilə keçirilən prosesdə elan olunub.
Qeyd edək ki, H.Şahmarov gömrük brokeri kimi fəaliyyət göstərib. O, Məkkədə Həcc ziyarətində olarkən tanış olduğu Ceyhun adlı şəxsdən 4 min manat pul müqabilində Bakı Baş Gömrük İdarəsində Ceyhuna məxsus olan 3 TIR malın yaranmış problemlər səbəbindən idarədən buraxılmadığını həll edəcəyini bildirərək, malları gömrük yoxlanışından sürətli şəkildə keçirəcəyinə dair vəd versədə. Daha sonra o, vədinə əməl etməyib.

İttihama görə, Ceyhun H.Şahmarova hər maşına görə 2 min manat pul verib.

Xatırladaq ki, dələduzluqda ittiham edilmiş Hüseynağa Şahmarov Qafqaz Müsəlmanları İdarəsinin nümayəndəsi, “Təzə Pir” məscidində imamın müavini işləyən Hacı Tahirin (Tahir Şahmarov) oğludur.