“Unibank”ın qolu olan “Leobank” da artıq özünə şikayətlər yağdırmağa başlayıb. Həmin şikayətlərdən birini sosial mediaya istinadla təqdim edirik. Müştəri bildirir: “20 avqust Unibank bankomatından hesabımı artırmışam, səhəri eyni mesaj gəlir, amma balansımdan pul çıxılır. Şikayətimi bildirəndən sonra dedilər ki, 1 həftə ərzində baxılacaq. Bir həftə sonra operatorun biri dedi ki, polisə verin, kimsə sizin kartdan istifadə edib. Axşam dedilər ki, polisə verməyin, belə problemlər 1- 2 ay ərzində həll olur. Yenə əlaqə saxlayıram, deyirəm, 2 ay tamam olmağına az qalıb. Deyir bir az da gözləyin, araşdırılır. Haçana kimi? Kamera, hər şey göz qabağında, uzada- uzada qalıblar”.