Bu gün Azərbaycan Respublikası Prezidenti İlham Əliyev Vahid Rasim oğlu Hacıyevin Şərqi Zəngəzur iqtisadi rayonuna daxil olan Zəngilan rayonunda Azərbaycan Prezidentinin xüsusi nümayəndəsinin təyin edilməsi haqqında sərəncam imzalayıb.

Qeyd edək ki, V.Hacıyev Bakı Dövlət Universitetinin Beynəlxalq hüquq və beynəlxalq münasibətlər fakültəsində bakalavr və magistr təhsili alıb.

Vahid Hacıyev 2007-2019-cu illər ərzində “BP Azərbaycan” şirkətində müxtəlif vəzifələrdə çalışıb.

2020-ci ildən isə “Agro Dairy” MMC-nin qanuni təmsilçisi və icraçı direktoru olub.

Vahid Hacıyev tanınmış oftalmoloq Rasim Hacıyevin oğludur. Ailəlidir, üç övladı var.