Rusiya Silahlı Qüvvələri Ukraynanın Luqansk vilayətinin Kreminna şəhərinə daxil olub.

Bu barədə Luqansk vilayət administrasiyasının sədri Sergey Qayday feysbukda yazıb.

Qeyd edək ki, Kreminna şəhərinin əhalisi 18 417 nəfərdir. Şəhər hələ 2014-cü ildə alovlanan Ukrayna-Rusiya münaqişəsində döyüş arenasına çevrilib. Həmin dövrdə gedən şiddətli döyüşlərə baxmayaraq, Ukrayna Silahlı Qüvvələri şəhəri nəzarət altında saxlaya bilib. Cari ilin mart ayında Rusiya qüvvələrinin Ukraynaya hücumunu dəstəkləyən şəhər meri küçədə ölü tapılıb. Həmin gün Rusiya qoşunları Kreminnayanın 15 km yaxınlığında idilər.