Azərbaycan Xalq Cümhuriyyəti yarandıqdan sonra Nazirlər Şurası 1918-ci il iyulun 15-də bu faciənin tədqiqi məqsədilə Fövqəladə İstintaq Komissiyasının yaradılması haqqında qərar qəbul etdi. Komissiya mart soyqırımını - ilkin mərhələdə Şamaxıdakı vəhşilikləri, İrəvan quberniyası ərazisində ermənilərin törətdikləri ağır cinayətləri araşdırdı. Dünya ictimaiyyətinə bu həqiqətləri çatdırmaq üçün Xarici İşlər Nazirliyi nəzdində xüsusi qurum yaradıldı. Martın 31-i Azərbaycan Xalq Cümhuriyyəti tərəfindən ümummilli matəm günü elan olundu. Bununla da azərbaycanlılara qarşı yürüdülən soyqırımı və bir əsrdən artıq davam edən torpaqlarımızın işğalı proseslərinə tarixdə ilk dəfə siyasi qiymət verməyə cəhd göstərildi. Lakin Cümhuriyyətin süqutu bu sahədə başlanmış işi yarımçıq qoydu.Ermənilərin azərbaycanlılara qarşı soyqırımları XX əsrin sonlarında bir daha təkrarlandı. 1992-ci ilin fevralında ermənilər Xocalı şəhərinin əhalisinə misli görünməyən divan tutdu. Bu qanlı faciə minlərlə azərbaycanlının məhv edilməsi, əsir alınması, şəhərin yerlə-yeksan edilməsi ilə nəticələndi. Millətçi-separatçı ermənilərin Dağlıq Qarabağda başladığı avantürist hərəkətin nəticəsi olaraq bu gün bir milyondan artıq soydaşımız öz doğma yurd-yuvalarından didərgin salınıb. Ərazimizin 20 faizinin erməni silahlı qüvvələri tərəfindən işğalı zamanı minlərlə vətəndaşımız şəhid olub. Ulu öndər Heydər Əliyev həmin tarixi Fərmanında ermənilərin azərbaycanlılara qarşı düşünülmüş, planlı surətdə həyata keçirdiyi soyqırımı siyasətinin ayrı-ayrı mərhələləri diqqətə çatdırılır. Qeyd olunur ki, Azərbaycan Xalq Cümhuriyyətinin varisi kimi Azərbaycan Respublikası bu gün onun axıra qədər həyata keçirə bilmədiyi qərarların məntiqi davamı olaraq soyqırımı hadisələrinə siyasi qiymət vermək borcunu tarixin hökmü kimi qəbul edir.
  Bu gün ölkə prezidenti İlham Əliyev cənabları, 1-ci vitse-prezident Mehriban xanım Əliyeva və Heydər Əliyev Fondunun vitse-prezidenti Leyla Əliyeva Azərbaycanın haqq səsini dünyaya çatdırmaq üçün möhkəm iradə ortaya qoyaraq beynəlxalq təşkilatlar qarşısında əsaslı faktlarla çıxış edərək Soyqırım aktının qəbul olunması yolunda dayanmadan çalışırlar.Son illər Leyla xanımın dünya ölkələrinin böyük əksəriyyətində həyata keçirdiyi "Xocalıya Ədalət"kompaniyası misilsiz bir aksiyadır.Müxtəlif xalqların nümayəndələri artıq erməni vəhşiliyini başa düşməyə başlayırlar.44 günlük Zəfər Müharibəsindən sonra erməni işğalından azad olunmuş Azərbaycan torpaqlarına,mədəniyyətinə,yaşayış massivlərinə,təbiətinə tutulmuş divan ermənilərin Azərbaycana və onun xalqına qarşı növbəti soyqırım nümunəsidir.Yaxın bir vaxt kəsiyində cənab prezidentin tapşırığıyla,azad olunmuş ərazilərdə erməni vəhşiliyini  dünyanın hər bir xalqının  nümayəndəsi öz gözləri ilə görməsi üçün ağıllı siyasət həyata keçirildi və keçirilməkdədi.Bu gün ərazi bütövlüyümüzü bərpa etmiş qalib xalqın nümayəndələriyik,lakin hər birimiz erməni terrorundan əziyyətlər görmüşük.Odur ki,31mart-xalqımızın həyatına yazılan qan yaddaşımızı unutmayacağıq!

Elçin Salahov,
YAP Kəlbəcər rayon təşkilatının əməkdaşıшаблоны для dle 11.2