Ukraynanın nə qədər ərazisi işğal olunub? 

2014-cü ildə Rusiya Ukraynanın Krım Muxtar Respublikasını və Sevastopol şəhərini zəbt edərək özünə birləşdirib.

Həmin il Rusiya Donetsk və Luqansk vilayətlərinin bir hissəsini də işğal edərək ərazidə separatçı rejimlər qurub. 2022-ci il fevralın 21-də Rusiya həmin rejimləri – “Donetsk Xalq Respublikası” və “Luqansk Xalq Respublikası” – müstəqil dövlətlər kimi tanıyıb.

Krım Muxtar Respublikasının ərazisi 26 min 861 kvadrat kilometrdir.

Sevastopol şəhərinin ərazisi 1079 kvadrat kilometr göstərilir.

Donetsk vilayətinin 7 min 853 kvadrat kilometri, Luqansk vilayətinin 8 min 377 kvadrat kilometri işğaldadır.

Rusiyanın nəzarətinə keçən ərazinin ümumi sahəsi 44 min 170 kvadrat kilometrdir. Bu, ölkə ərazisinin 7,3 faizi deməkdir. Ukraynanın 603 min 548 kvadrat kilometr ərazisi var.(novator.az)