ABŞ-ın Türkiyədəki yeni səfiri Cefferi Fleyk fevralın 15-də «Anadolu» agentliyinə müsahibə verib.

Səfirin sözlərinə görə, Türkiyə NATO üzvü ölkələr arasında ABŞ-dan sonra ikinci “F-16” qırıcıları donanmasına malikdir. Alyansa tövhələr verməkdə isə üçüncü yerdə dayanır.

Amerikalı diplomat həm də Türkiyənin Ukraynaya köməyini yüksək qiymətləndirib: “Türkiyə kimi əvəzolunmaz həmkarımızın olmasından çox şadıq. Ankaranın mövqeyi ABŞ və ümumilikdə dünya üçün əhəmiyyətlidir. Türkiyə suverenliyinin müdafiəsində Ukraynaya kömək edir və fikir ayrılığının həlli üçün diplomatik səylər göstərdiyini bəyan edir. Əlbəttə, əgər belə yol varsa...”

Fleyk həm də ABŞ və Türkiyə arasında fikir ayrılıqlarının həllini şərh edib: "Tərəflərin fikir ayrılıqlarını həll edə bilməsi üçün rəsmi şəxslərin yeni səfərləri mühümdür. Türkiyə uyğun format müəyyən edib və bizi məlumatlandırıb. Vaşinqton buna cavab verməyi mənim təyinatıma qədər təxirə salmağa üstünlük verib. Hesab edirəm ki, cavab tez bir zamanda veriləcək".