“İranın 44 günlük müharibə dövründəki prinsipial mövqeyini və sülh yaradılmasıyla bağlı səylərini yüksək qiymətləndiririk”. 

Bunu bütün ermənilərin katolikosu 2-ci Qaregin İranla Ermənistan arasında diplomatik münasibətlərin yaradılmasının 30 illiyinə həsr olunan konfransa ünvanladığı müraciətdə bildirib. 

Katolikos öz müraciətində İranla “mehriban qonşuluq”dan bəhs edib və bunun “sivilizasiya və dinlərarası münasibətlər” sarıdan nümunəvi xarakter daşıdığını qeyd edib. Qaregin xüsusilə də İranın “erməni mədəniyyət abidələrinə” xüsusi diqqət yetirdiyini önə çəkərək, buna görə rəsmi Tehrana minnətdarlığını çatdırıb. 

Göründüyü kimi, təkcə Ermənistan hökuməti və siyasi elitası deyil, erməni katolikosu da 44 günlük müharibə və ondan sonrakı dövrdəki “xidmətlərinə” görə qonşu müsəlman ölkəsinə sonsuz dərəcədə minnətdardır…