ABŞ-nin Alyaska ştatı qaz böhranının astanasındadır və onun ən böyük şəhəri Ankoric yaxın illərdə işıqsız qala bilər.
Məlumata görə, əvvəllər Alyaskada qaz o qədər çox idi ki, ondan yalnız evləri qızdırmaq və elektrik enerjisi istehsal etmək üçün deyil, həm də xaricə yanacaq daşıyan tankerlərin yüklənməsi üçün istifadə olunurdu.
Lakin hazırda əksər qazma şirkətləri ştatı tərk edib və Kuk körfəzində qaz sürətlə azalır.
Yerli kommunal təsərrüfat işçiləri istisna etmirlər ki, təxminən 2028-ci ildən etibarən qaz xaricdən alınmalı olacaq. Bu isə elektrik və istilik xərclərinin 10-40% artmasına səbəb olacaq.