Son zamanlar ölkəmizdə gənclər arasında narkotik vasitələrin sürətlə yayılması barədə həyəcan təbili çalınır. Bakıda məktəblilər arasında uyuşdurucu vasitələrdən istifadə edən şagirdlər də az deyildir. Bunu təstiqləyən, sosial şəbəkələrdə Bakıda 44 saylı məktəbin həyətində şagirdlərin narkotik vasitədən istifadə etmələri ilə bağlı görüntülərin yayılması da bir faktdır. Məktəbliyə bir nəfər naməlum şəxs tərəfindən Patının verilməsi və məktəblinin ona verilən Patını qəbul etməsi ilə bağlı görüntülər sosial şəbəkələrdə yayımlanıb.

Daxili İşlər Nazirliyinin Mətbuat Xidmətinin əməkdaşı Nurlan Əliyev mətbuata bildirib ki, videogörüntülərlə bağlı araşdırma aparılır:

“İddialar araşdırma predmetidir. Nəticəsi barədə əlavə məlumat veriləcək”.