Türkiyənin Urfa şəhərində keçirilən toy mərasimində iştirak edən 60 nəfər yedikləri tortdan zəhərlənib.
dovrunnabzi.az bu barədə Türkiyə KİV-ə istinadən xəbər verir.
Əldə olunan məlumata görə, hadisə Urfanın Suruç rayonunda baş verib. Rayon sakinləri Halil İbrahim Elmas ilə Aleyna Akdeniz evlənmək üçün toy mərasimi təşkil ediblər. Toyda ailə üzvləri və dostlardan ibarət çox sayda qonaq iştirak edib.
Yemək ziyafəti verilməyən toyda gəlin və bəyin kəsməsi üçün kənardan 10 mərtəbəli tort gətirilib. Toyun sonunda gəlin və bəy birlikdə tortu kəsərək dadına baxıblar. Daha sonra tort qonaqlara təqdim olunub.
Toydan sonra evlərinə gedən qonaqlarda qarın ağrısı, ürəkbulanma və qusma halları müşahidə olunub. Zəhərləndiklərini anlayan qonaqlar dərhal xəstəxanaya üz tutublar. Gecə boyunca təxminən 60 nəfər eyni şikayətlərlə xəstəxanaya yerləşdirilib.
Zərərçəkənlər müalicə aldıqdan sonra evlərinə buraxılıblar. Faktla bağlı araşdırma aparılır.шаблоны для dle 11.2